Jocus Prinsekepel
Jocus’ Prinsekepèl begeleidt Prins Carnaval mit zien Adjudante tiédes bezeuke aan diverse evenemente. Vanaaf daags nao d’n Hofbal wies de äöpening van de Boétegewoëne Boétezitting is de Prinsekepel twië waeke in functie. Dink heejbeej aan bezeuk van ut Roeëje Kruuts-bal, resepsies en zittinge van andere vastelaovesvereiniginge.
Hoeëgtepunte zien de Schoeëlendaag en ’t äöpene van de Boétegewoëne Boétezitting op de buun in de Zoépkoel op vastelaoveszaoterdaag. Meistal traejt zeej nao boéte same mit Jocus’ Prinsegarde in ’t begeleide van ’t Dreejspan.
Tiédes de vastelaovesdaag zelf haet de Prinsekepèl vreej en kinne de muzikante gewoën lekker vastelaovend viére.
Jocus Prinsekepel besteit oét ein aantal vaste Jocusleeje aangevöld met muzikante oét diverse gezelschappe.
| Eveline Bogie | Trompet |
| Jacqueline Derikx | Bekkens (en sikkertaris) |
| Bas van Gestel | Trompet (en kepèlmeister) |
| Frans van Hoften | Kleine trom (en penningmeister) |
| Etienne Hogenhuis | Trompet |
| Sharon Meelkop-Suiker | Alt Sax |
| Ivo Niessen | Bas Tuba |
| John Peeters | Groëte trom |
| Jessica Steegh | Trompet |
| Rafael Crucho | Trompet |
Meziék en repetities
De Prinsekepèl speult bekinde Venlose vastelaovesnummers en repeteert dreej kier veurdet ’t vastelaovesseizoen begint.
Aanmelde
Wilt geej och aanmelde veur de Prinsekepèl? Of wilt geej miër informatie euver wat de meugelikhede zien um mei te doon? Steur dan enne e-mail nao info@jocus.nl.
Moch geej lid wille waere van V.V.G. Jocus, dan helt dit onder miër in:
- Geej ziet welkôm op Jocus’ Jaorvergadering
- A-lid van Jocus: lid van ein ‘groëte femilie’ mit ein vastelaoveshert
- Veur ‘t Prinsekepèl-uniform wuurt gezörg
- Korting op kaarte veur div. Jocus-evenemente/-bals
- Gratis de nieje Jocus-cd
- Gratis De Träöt
- Jäörliks eine joeksige Jocus-leejendaag