Boerebroélof

Veur vuuël vastelaovesvierders is Boerebroélofsdinsdaag de moëisten daag van de Vastelaovend. Venlonaere die de stad oëits hebbe verlaote um zich örges anders te vestige kômme speciaal veur dit fantastische fees truuk nao ’t Stedje van Lol en Plezeer.

D’n daag begint mit de Kôffietuiterie, waonao veuraafgaond aan de trouwsirremonie op ’t Venlose stadhoés  ’t ganse gezelschap en idderein dae mei wilt in eine bônten Boerebroélofsoptoch door de Venlose binnestad trek.

Opstelle veur de Boerebroélofsoptoch vanaaf 13:00 op de Alde Mert, aanvang 13:30.

Route: Jeustraot, Kwartelemert, Hoëgstraot, Vleisstraot, Klaosstraot, Parade, Gashoésstraot, Mert. Op d’n tomp Hoëgstraot/Vleisstraot neemp ’t Boerebroélofsgezelschap ’t defilé aaf.

Idderein dae det wilt meug mei in d’n optoch!
De ganse Mert is gevöld mit boere en boerinne as getuuge as ’t broédspaar op ’t bordes van ’t stadhoés in de ônech verbônde wuurt.

Dit jaor is de organisasie van de Boérebroelof in hand van de meiwerkers van Canon Production Printing!

Bekiék de gezelschappe door de jaore haer