Boeremoosbal

Op dit grutste boere vastelaovesbal luuët ’t Boerebroélofsgezelschap van ’t veurig jaor Beejeingeklats eur “kiendje” kiéke. Heejnao neemp ’t gezelschap aafschiéd en neme ein nieje taak op zich: die van Ermen Tak.

Daomei make zeej de buun vreej veur ’t nieje Boerebroélofsgezelschap van Canon. Eur Broédspaar Lena en Sjors geit intellik in ôndertrouw en zal zichzelf aan de verzamelde boere en boerinne veurstelle.

De meziék galdert door Jocus Hoonderstal mit neteurlik ôs 4 winnende Jocusleedjes en Jocus Hofkepel. De res van ’t program wuurt later bekind gemak.

De zaal is aangekleid in boerestél. Jôngk en ald luuët zich idder jaor weer in eur beste boerekleid of boerepak zeen. Alzoë: d’n Boeremoosbal, markeert ’t begin van de meis joeksige waeke van ’t jaor!