Boerezôndaag
Zondaag 18 Jannewari 2026
vanaaf 13:11 oor
Daags nao ’t Boeremoosbal vind in Domani de Boerezôndaag plaats: eine gezelligen daag veur de ganse femilie, wao geej ’t niej Boerebroélofsgezelschap van Vastelaovesgezelschap Beejeingeklats kint fillicitere en gezellig kint naopraote euver ’t Boeremoosbal.
Um 13.30 oor zal ’t gezelschap de zaal binnekomme. Dao halde zeej eur resepsie onder muziekale begeleiding van Joekskepelle Schöd um Laeg en Schots en Scheif.
Verspreid euver de middaag zulle auk diverse wiékvereiniginge ’t Boerebroélofsgezelschap komme fillicitere, de joeks hangk dus in de lôch!
Auk gaeve de diverse dansgardes van Jocus Toekoms ein prachtig optraeje tössedoor.
De middag wuuërt aafgeslaote door Dylan en Mike um 17.25 oor.