Zjuries en puntetelling Leedjesaovend 2014
Tiedes Opus Jocus Leedjesaovend strieje 11 leedjes um de iër um "de Funs" en ein plaats beej de veer winnende leedjes.
Dit jaor verlöp de zjurering in twië rôndes.
De zjurering steit ônder leiding van veurzitter Lambert Kuijpers , onder toezeend oug van notaris Piet Thijssen.
Iërste ronde
In de iërste rônde bringe alle 11 finaliste eur leedje ten gehuúre. Naodet de 11 leedjes veur d’n iërste kiër zien gezônge kees de Vakzjurie 7 leedjes oét die door gaon nao rônde 2. Nao aafloup van rônde 1 zal de veurzitter van de vakzjurie in willekeurige volgorde de 7 leedjes bekind make die doorgaon nao rônde 2.
Twiëde rônde
Naodet alle 7 leedjes in de twiëde rônde zien gebrach kinne de vakzjurie, wiekzjuries, ‘t publiek in de zaal en de sms stummers eur favoriete leedje keeze.
1. Vakzjurie
In de twiëde rônde kint de vakzjurie veur ‘t beste leedje maximum 35 punte gaeve.
2. Wiekzjuries
De dreej wiékzjuries zien samegesteld oét aafgevaardigde van de zustervereiniginge oét de verschillende wiéke in Venlo.
De veurzitter van iddere wiékzjurie bringk de punte oét en guuëf maximaal 7 punte veur ‘t beste leedje en 1 punt veur ‘t mins gooje leedje. D’r zien dit jaor 3 wiékzjuries.
3. Zaalzjurie
Middels de stum kaart achter op ‘t intreebewiés brink ‘t publiek in de zaal eur stum oét. De stumme opgeteld leide tot de veurkeur van de zaal. De opgetelde stumme gaeve 7 punte veur ‘t beste leedje en 1 punt veur ‘t mins gooje leedje.
4. SMS stumme
In de 2e rônde verschient beej idder leedje in beeld wie desse via sms dien stum kins oétbringe. Prissentator Lex Uiting zal dit tiedes de oétzending oétlegge. Alle sms stumme beejein opgeteld leide tot de volgorde 1 t/m 7 van de sms. De opgetelde stumme gaeve 7 punte veur ‘t beste leedje en 1 punt veur ‘t mins gooje leedje.
D’n oétslaag wuurt bepaold door de punte van de geneumde zjuries beejein op te telle. De nummers ein tot en mit veer waere opgenaome op de nieje Jocus CD.