Zjurering Opus Jocus 2017
Tiédes Opus Jocus Leedjesaovend 2017 strieje 12 leedjes um de iër en um “de Funs”, oftewaal ein plaats beej de veer winnende leedjes. De 12 leedjes waere volledig gezônge en in ein verkorte ronde door de deilnemende artieste gebrach.
Um de stum van de vastelaovesvierder te vergruëte én um ‘t stumme vlotter te laote verlaupe kinne zoëwaal de bezeuker in de zaal as d’n tillevisiekiéker thoés via sms eur stum oétbringe. Same mit de vakzjurie en de zaalzjurie make dees 4 juries oét waat de nieje Jocusleedjes gaon waere. Ein volledige oétleg van de jurering en puntetelling.
1. Vakzjurie
De vakzjurie beoordeild de leedjes en guuëf ‘t beste leedje maximaal 24 punte. Zeej gaeve eur punte geliek nao de lange versies! We hebbe dus eine tössestand veurdet we aan de korte versie beginne!
2. Vorstezjurie
De Vorstezjurie is samegesteld oét de Vorste van de zustervereiniginge oét de verschillende wiéke in Venlo. Zeej bringe de punte oét en gaeve 12 punte veur ‘t beste leedje en 1 punt veur ‘t mins gooje leedje.
3. Zaal SMS zjurie
De zaalsjurie stump dit jaor ouk per SMS. Prissentator Lex Uiting en veurzitter Roel Versleijen zulle dit tiedes de aovend aangaeve wanniër det de sms-liën geäöpend is.
Per sms kint d’r maar 1 stum oetgebrach waere. Maar men kint zoe dök stumme as men wilt.
Auk op ’t zelfde nummer maar auk op alle andere nummers.
De sms-stumme van de zaal opgeteld leide tot de veurkeur van de zaal. De opgetelde stumme gaeve 12 punte veur ‘t beste leedje en 1 punt veur ‘t mins gooje leedje.
4. Thoés SMS zjurie
Net wie veurig jaor vorme de tillevisiekiékers ein apart jurie. Prissentator Lex Uiting en veurzitter Roel Versleijen zulle dit tiedes de aovend aangaeve wanniër det de sms-liën geäöpend is. Thoéskiëkers steur ein SMS nao 3669 mit jocus spatie 01 tot jocus spatie 12. De koste zien € 0,80 per stum
Per sms kint d’r maar 1 stum oetgebrach waere. Maar men kint zoe dök stumme as men wilt.
Auk op ’t zelfde nummer maar auk op alle andere nummers.
De opgetelde stumme van de tillevisiekiékers gaeve 12 punte veur ‘t beste leedje en 1 punt veur ‘t mins gooje leedje.
De jury’s staon ônder leiding van veurzitter Wim Schreurs, onder toezeend oug van Rivierdael Notarissen.
D’n oétslaag wuurt bepaold door de punte van de geneumde zjuries beejein op te telle. De nummers ein tot en mit veer waere opgenaome op de nieje Jocus CD.