Woensdaagmiddaag 27 jannewari: Half Haenke!

Op woensdaagmiddaag 27 jannewari 2016 vind vanaaf twië oor in de Maaspoort  in Venlo de veerde editie plaats van Half Haenke. Dees speciale kinderzitting wuurt georganiseerd door Jocus en Jocus Toekôms. Alle kinder oét de gemeinte Venlo zien oétgenuuëdig um in eur moeiste vastelaovesoutfit nao deze kindermiddaag te kômme, net wie alle jeug carnavalsvereiniginge.

Op deze middaag, dae in ’t teiken steit van “De jeug haet de toekôms”, zulle kinder oét de ganse gemeinte Venlo eur talente vertoëne. Zang, dans, buut zulle op deze middaag te zeen zien in ein ziër verrassend programma.  Zoë zal de winnaer van ’t Jocus Jeug Vastelaoves Leedjes Concours, de Martinusschoël, optraeje. ’t Jeugboérebroélofsgezelschap van de Venlose Hockeyclub zal zich veurstelle aan de jeug en d’r zien optraejes van  dansstudia Dansa. Daonaeve verzörge Rik en Jaydie en de winnaers van de Herfshane, Marieke en Susan ein  optraeje. Oéteraard ôntbraeke de veer nieje Venlose schlagers neet en is d’r netuurlik ein bezeuk van de nieje prins van Jocus same mit zien adjudante.

Kaarte koste  € 3,00 en zien te koup beej de Maaspoort,  Ald Weishoés en via www.jocusvenlo.nl 
Miër info euver Jocus en Jocus Toekôms zien te vinde op www.jocus.nl en www.jocustoekoms.nl