Winnende leedjes
Zondaag 30 september 2007
In d’n Hoonderstal woorte op d’n Opus Jocus Leedjesaovend ein elftal leedjes ten gehure gebrach, waobeej ‘t nivo ziër hoëg loog en d’n oétslaag wies op ‘t lets verrassend bleef. In ‘t Jocus 15×11 jubeljaor zal de vastelaoved waere gevierd onder de klanke van:
- Kôm gangk mei, gezônge door Bart Houtermans, Mark Janssen en Jacques-Paul Joosten. ‘t Leedje is geschreve door Frans Pollux.
- Gelache !!!, gezônge door Petro en Mark Janssen, Miriam van Elderen en Bernie Billekens, ‘n Muziekaal werk van Wim Roeffen.
- De kriebels, gebrach door Bram Holla en Ruud Stikkelbroeck. Auk dit leedje is van de hand van Frans Pollux.
- Dao zien ze veur, op bekinde wies gebrach door Peter Jansen en Wim Janssen. Zeej ware auk de schrievers van dit leedje.
Dees leedjes verschiene in november op de nieje Jocus CD.
De foto’s van de Leedjesaovend zien heej auk te bekieke.