"’t Volle pônd", gezônge door Bart Houtermans, Fred Honig en Ruud Stikkelbroeck , is aafgeloupe zaoterdaag winnaer gewaore van de traditionele leedjesaovend van ‘t Venloosch Vastelaoves Gezelschap Jocus. In eine gans verniéjde zaal kwaam ‘t Venloos zengerstrio as iërste oét de bus. Frans Pollux makde de meziék en d’n teks. Op de twiëde plaats indigde Hay Smeets mit ‘t nummer "Ik heb eine vogel". Hannelore en Laurence Winter schreve d’n teks en Peter Janssen de meziék. Derde woorte Vic Suiker, Marius Suiker, Petro Janssen en Mark Janssen mit "Letste in d’n optoch" (meziék Hay Geritz, teks Marc Peters). Zeej indigde ouk op de veerde plaats mit ‘t "Knibbelsträötje" waoveur d’n teks en de meziék geschreve is door Wim Roeffen.

‘t Wedstriédelement van Opus Jocus waas dit jaor verniejd. Nao de iërste rônde ginge zeve van de elf leedjes vaerder veur de iërste plaats. ‘t Publiek kreeg ein groëtere rol in de jurering. Zeej kôste via sms stumme op ‘t favoriete leedje. "Tot noow toe hebbe we vuuël positieve reacties gekrege euver de nieje opzet van Opus Jocus", volges Joep Schouren, waordveurder van Jocus. De veer winnende schlagers kriege ein plek op de nieje Jocus CD die vanaaf Elf van Elf weer te koup zal zien.

De Jocus Leedjesaovend is ein samewerking tösse Venloos Vastelaovesgezelschap Jocus, Umroop Venlo, Lagotronics en Theater de Maaspoort.

Oétslaag van de Leedjesaovend van 4 oktoëber 2014:

1. ‘t Volle pônd
   (gezônge door: Bart Houtermans, Fred Honig en Ruud Stikkelbroeck, wäörd en meziék: Frans Pollux)
    
2. Ik heb eine vogel
   (gezônge door: Hay Smeets, wäörd: Hannelore Winter en Laurence Winter, meziék: Peter Jansen)
    
3. Letste in d’n optoch
   (gezônge door: Vic Suiker, Marius Suiker, Petro Janssen en Mark Janssen, wäörd: Marc Peters, meziék: Hay Geritz)
    
4. ‘t Knibbelsträötje
   (gezônge door: Vic Suiker, Marius Suiker, Petro Janssen en Mark Janssen, wäörd en meziék: Wim Roeffen)

Zengers, zangeresse, schrievers en komponiste van de andere deilnemers:

Leedje 5: Wiesse löps, wiesse kieks
Zang: Paul Klaassens
Wäörd Marc Peters & Peter Jansen, meziék: Marc Peters & Peter Jansen

Leedje 6: Ein plekske veur ôs allein
Gezônge door: Bart Houtermans en Mirjam van Elderen
Wäörd: Wim Roeffen, meziék: Wim Roeffen

Leedje 7: De Waus 
Gezônge door:  Noud Janssen en Tim Peeters
Wäörd en meziék: Tim Peeters

In willekeurige volgorde de 4 leedjes die de letste ronde neet haolde:

Ik bin neet van gister
Zang: Harry van Dreumel, Gilbert Schmitz en Frank Jacobs 
Wäörd: Frans Pollux, meziék: Frans Pollux

Ik vas (pas nao de Vastelaovend)
Zang: Paul Klaassens en Sadie Peeters
Wäörd en meziék: Funs Jansen & Paul Cartigny & Sadie Peeters.

Det kump mit de jaore 
Zang: Marcel Verdellen en Paul Joosten
Wäörd: Wim Roeffen, meziék Wim Roeffen

Bring mich de Vastelaovend
Zang: Tessa Hinssen
Wäörd: Frans Pollux, meziék: Frans Pollux