Weer verniejing Opus Jocus, kaarte noow al te kaup
De elf finaliste zien bekind, ‘t aovendvullende programma in De Maaspoort meug onthuld waere en de ierste kaarte zien noow al online te kaup. Bezeuk noow Jocus Webshop en bestel ôg kaarte vandaag nog!
Intreekaarte veur Jocus Leedjesaovend zien vanaaf noow exclusief te kaup via de website van Jocus en koste €17,50. Daonaeve zien de kaarte te kaup in Brasserie de Luif van Theater de Maaspoort op dinsdaag 22 september van 19.00 oor tot 20.00 oor.
In eine bonte mix mit ervare rotte zulle dit jaor opvallend vuuël debutante de bühne betraeje. Harry Pouwels, Veurzitter en Vors van Jocus: "’t Is biezonder um te zeen wie vuuël Vastelaovestalent Venlo riék is. Dees elf leedjes laot idder veurzich ein uniek Venloos geluud waere. ‘t Is moëi um te zeen wie de Leedjesaovend door de jaore haer is oétgegreujd tot ein podium wao talente eur leedjes ten gehuure bringe. Heej Waere de nieje Vastelaovesleedjes gebaore. ‘t Belaof eine spannende aovend te waere."
De verniejde formule zal nao ‘t succes van ‘t veurig jaor auk dit jaor oétmake waat de 4 beste Vastelaovesleedjes van Venlo waere. Niej dit jaor is det de Vorste van de Venlose wiekvereiniginge eur stum vanoét de zaal zulle oétbringe as Vorstezjurie. Daomei kriége de Vastelaovesvereiniginge ein groëtere stum in ‘t gehiél. Auk dit jaor kin de kiéker via sms zien stum oétbringe.
Tiedes Opus Jocus Leedjesaovend strieje elf leedjes um “de Funs”. Nao ein iërste rônde mak de vakzjurie ein keus veur zeve leedjes. In de twiëde rônde zal waere oétgemak waat de veer Vastelaovesleedjes veur de kômmende Vastelaovend in Venlo gaon waere. Dit jaor verschient naeve de Jocus CD auk ein LP en zien de leedjes te downloade op iTunes en Spotify.
‘t Publiek kin in ‘t dekor van de Leedjesaovend geneete van ein aovendvullend programma met, naeve de 11 finaliste, optraejes van onder andere Zwartbroëd, "vastelaovesplaetjes-DJ" Sef Derckx, Erwin en Jocus’ Hofkepèl.
Opus Jocus 2015 haet plaats op zaoterdaag 3 oktober in Theater de Maaspoort in Venlo en is live te zeen op Omroep Venlo Televisie. Miër informasie op www.jocus.nl.
Bezeuk noow Jocus Webshop en bestel ôg kaarte vandaag nog!
Foto’s van de 11 finaliste vindt geej op dit blaad.