Schriéfwedstriéd veurtgezet onderwiés De Träöt
Veur zien “Staatsorgaan De Träöt” lanceert Venloosch Vastelaoves Gezelschap Jocus eine schriéfwedstried veur ‘t veurtgezet onderwies in Venlo. Liërlinge van ‘t veurtgezet onderwies kinne ein beejdrage make. Dit kin ein artikel, verhaol, fotoreportage of (cartoon)teikening zien. De leukste en meis originele beejdrage wuurt geplaats in de niejste oétgave van De Träöt. De liërlinge meuge zich gans oétlaeve op ein creatieve beejdrage. As deze maar euver vastelaovend geit uiteraard.
‘t Initiatief is ontstaon as spin-off van ‘t Boerebroélofsgezelschap van College Den Hulster, aafgelaupe Vastelaovend. Daonaeve organisere liërlinge van ‘t O.G.V.O. in het sezoen 2018-2019, as Jocus zien 16×11 jubileum viert, ein Schoëlebal.
Veuroétlaupend dao-op waere liërlinge van onder andere ‘t Valuas College, College Den Hulster en Blariacum, aevel auk ‘t Wildveld en de Velddijk oétgedaag um ein leuke beejdrage veur De Träöt te make.
“Mit de schriéfwedstrijd wille weej de liërlinge van ‘t veurtgezet onderwies op ein leuke wies stimulere um ein kreatieve beejdrage te make. De nieje Lex Uiting, Frans Pollux of Leon Peeters zit per slot van raekening noow in de schoëlbanke. Dus haese ein leuk ideej, dan is dit dé oétgelaeze kans.” aldus Joep Schouren, veurzitter van Jocus’ Pers & Propaganda kemmissie.
“Jocus baejt ondersteuning in de vorm van redactie, fotografie en vormgaeving. De liërlinge meuge zich gans oétlaeve op ein creatieve beejdrage. As deze maar euver vastelaovend geit uiteraard. De Träöt is al sinds 1948 ‘t Staatsorgaan van Jocus waoin zeej verslaag duit van zien activiteite, in waord en beeld. Daonaeve zien de geteikende advertenties beeldbepaolend. Idder jaor wille weej ein niej onderdeil toevooge um de laezers van De Träöt waat niejs te bringe. Deze wedstried is veural bedoeld as stimulans um de jeug actief te betrekke.”, aldus Schouren.
Naeve einen haup foto’s van de Jocus activiteiten en de geteikende advertenties, zien d’r dit jaor diverse achtergrond verhaole te laeze. Onder andere euver ‘t geheim van ‘t Venlose Vastelaovesleed en d’r is oétgebreid aandach veur de verschillende initiatieve in de Venlose jeugdvastelaovend.
Beejdrages kinne waere ingesteurd waere tot en met vriedaag 15 december via info@jocus.nl. De nieje oétgave van De Träöt wuurt op maondaag 29 jannewari 2018 geprissenteerd.