Op vastelaoves maondaag trek, wie idder jaor weer, de groëte Jocus optoch ônder ‘t motto “Waat kinse schoëner winse” door de smale stráötjes van ‘t Jocusrièk. Werme kleier ware nuuëdig, eine scherpe wind zörgde veur ein liëge „geveulstemperatuur“.

De ziér kleurriéke optoch, mit vuuël meziék van de talriéke Joekskapelle  en meziékgezelschappe, prachtige verkleide groepe en schitterende wages aangevöld mit d’n nuuëdige humor  van de Faatse trok aan Stadsprins Sef IV zien Adjudante Roel en Mark en aan de toeschouwers veurbeej.

Veur de jury (idder jaor weer) eine ganse toer um de priéswinnaers oét te keze. Aevel ouk dit jaor zien zeej dao weer good in geslaag.

Beej de groepe haet #39 “Hiéring op de bôks” mit eur creasie “Nao 200 jaore nog noeits gekös gewaore” mit 108 punte de hoëgste traej meuge beklumme.

Op de 2^e plaats woord beslaag gelag door groep #68, “De Knoevelkus” mit “Weej staeke d’n draak” (105 punte).
 

De mit 97 punte verdeende  3^e plaats waas veur “Näöl Ens Park-Kliek” mit “Waat kinse schoëner winse as ein printebook vol prinse”.

Beej de waages woord WBG Boeit Neet beloënd mit d’n houfpriés. Veur eur creasie # 71 “Weej legge ‘t bielke d’r beej neer” krege zeej 118 punte van de jury.

Zeej woorte op de voot gevolg (116 punte) door de wage van Neet Näöle. “Dees prach van muzikale minse” woort prachtig weergegaeve in eur kleurrieke creasie.

De Klein Kernelkes (#66) tuuënde ein sprookjeshuwelik “ik bin met ein heks getrouwd”. Good veur 97 punte en ein waalverdeende 3^e plaats.

De ganse oétslaag kint geej downloade via de vólgende link:  images/file/Juri%20uitslag%20WEB-2013.pdf