Vruuger of later deil 4

Vruuger of later? Tes ôg Venlo-kinnis… (deil 4)

In de loup der jaore is d’r in Venlo hiël waat gebeurd. Maar in welk jaor waas det ouk alweer? Bes meujlik, maar waal schoën informasie um te weite. Maar iërs de antwäörd van deil 3:

1. Zenger Wim Janssen is gebaore in 1953 en Peter Jansen in 1951.
2. Neet oét Lottum is neet in 2000 opgerich maar in 1996.
3. Jaowaal, in 1960 kwaam de niej Jocus vlag.
4. De Garage is iërder opgerich, namelik in 1993.
5. Bekkerie In ‘t Soete Huis woort later Hofleverancier; 1993.

En dan noow wiejer mit deil 4

1. ‘t Leed Pingalia van Hay Gerritsen en gezônge door Sjraar Peetjens waas de winnaer van Jocus in 1963.
   Of waas ‘t vruuger of later?
2. Wae kint se neet? De Keuninklikke Fanfaar! Opgerich in 1895.
   Of stump det neet?
3. ‘t Sportfondsenbad aan de Walstraot woord in 1990 geslaote en aafgebraoke.
   Waat dink geej?
4. Joekskepel Flabbedeius is in 1998 ôntstaon?
   Vruuger of later?
5. VG De Törvers oét de H.Hertperochie is opgerich in ‘t jaor 1973.
   Stump det?