Vruuger of later? Tes ôg Venlo-kinnis… (deil 3)

In de loup der jaore is d’r in Venlo hiël waat gebeurd. Maar in welk jaor waas det ouk alweer? Bes meujlik, maar waal schoën informasie um te weite.

Maar iërs de antwäörd van deil 2

1. Sloéting Golziusmuseum, det waas in 2002.
   Nae, det was iërder; 1997
2. In 1978 extreme keld van waal -20% C. Zwaor iés op de Majjem.
   Nae, vuuël vruuger; 1963
3. In 1922 is de äöpening van de Venlonazaal.
   Det stump.
4. De euro wuurt in 2002 giraal ingeveurd. Eine euro is dan 2,20371 gölde waerd.
   Nae, det was vruuger; 1999
5. In 1985 gebeurde ‘t volgende: Kefee-restaurant Parkzich geit in vlamme op. Oprichting Joekskepel De Mootwörm. Jocus viert 13 x 11 jäörig bestaon.
   Det stump !

En dan noow deil 3

1. De zengers Wim Janssen en Peter Jansen zijn allebei in 1949 gebaore?
   Of waas det later of iërder?
2. In 2000 waas de oprichting van de dialekband Neet oét Lottum door Frans Pollux (zang)  en Michel Wijlaars (gitaris).
   Stump det?
3. In 1960 kwaam d’r ein niej Jocus vlag mit dreej horizontale banen; roëd-gael-blauw.
   Is det jaortal richtig of toch iërder of later?
4. Amateurtheater De Garage wuurt in 1998 opgerich.
   Waat meint geej?
5. Bekkerie Lamberts (In ‘t Soete Huis) wuurt in 1978  Hofleverancier.
   Of iërder of later?

Volgende kiër de antwäörd van deil 3 en de nieje vraoge in deil 4.

Sukses d’r mei!