Vruuëger of later? Tes óg Venlo-kinnis… (deil 2)

Deil  2

In de loup der jaore is d’r in Venlo hiël waat gebeurd.
Maar in welk jaor waas det ouk alweer?
Bes meujlik, maar waal schoën informasie um te weite. Kwante weitjes!

Maar iers de antwäörd van deil 1:

1. Frans Boermans, Venlonaer van de 20e ieuw, is in 2001 euverleeje.
   Antwaord: Dit waas vruuger, namelik 1999.
2. Venlo wint veur de 1e kiër ‘t Limburgs Vastelaovesleedjes Konkoer in 1983 mit ‘t leedje ‘Minse wie weej’. Zang Wiel Vestjens en Hay Crompvoets.
   Antwaord: Later. ‘t Waas in 1988.
3. In ‘t jaor 1966 speulde zich in Venlo ‘t volgende aaf:
   Offisjele äöpening van de Julianaflat aan de Deken van Oppensingel.
   Aöpening museum van Bommel van Dam in ‘t Julianapark.
   Aöpening City-promenade waat 6,5 miljoen gölde haet gekos.
   Antwaord: Later, namelik 1971.
4. ‘t Stadsbestuur besloot in 1912 det in de gaevel van ‘t Venloos stadhoés veer medaillons meuste kômme van bekinde Venlonaere, te weite; Puteanus, Goltzius, van Cleef en Jan van Venloo.
   Antwaord: vruuger. ‘t Waas 1882.
5. In 1995 kriege de leeje van de Bende van Venlo eur straffe te huure, varieerend van 14 wies 56 jaor. In detzelfde jaor 1995 wuurt juwelier Boermans Hofleverancier, zeej bestaon dan 200 jaor.
   Antwaord: 1995 stump. Det is good.

Deil 2 geit van start: 

1. Sloeting Golziusmuseum, det was in 2002.
   Vruuëger of later? Of stump ‘t?
2. In 1978 extreme keld van waal -20% C. Zwaor ies op de Majjem.
   Waat dink geej? Vruuëger, later of juus?
3. In 1922 is de äöpening van de Venlonazaal.
   Is det juus, later of vruuëger?
4. De euro wuurt in 2002 giraal ingeveurd. Eine euro is dan 2,20371 gölde waert.
   Enne? Waat meint geej? Stump 2002?
5. In 1985 gebeurde ‘t volgende:
   Kefee-restaurant Parkzich geit in vlamme op.
   Oprichting Joekskepel De Mootwörm.
   Jocus viert 13 x 11 jäörig bestaon.
   Stump det?

 Hald Kikerikiki in de gater. Want de antwäörd kômme de volgende kier en neteurlik auk weer niej vraoge euver gebeurtenisse in Venlo.