Veur de optochdeilnemers: Praotaovende Groëten Optoch
In deze Kikerikiki ouk ein belangriék berich veur de deilnemers aan de Groëten Optoch.
De Groëten Optoch van Jocus trek door de Venlose binnestad op Vastelaovesmaondaag 3 maart aanstaonde.
Wilt geej as gezelschap (mit of zônder wage) meiloupe in de Groëten Optoch dan wuurt van ôg verwach det geej ôg veuraaf komp inschriéve. ‘t Is moei as geej al waat teikeninge of foto’s van ôg idee mei kint bringe, det praot dan ein stökske mekkelikker.
Det kin tiédes de Praotaovende, zoëas georganiseerd door de Technische Kemissie van Jocus.
Maar dees aovende zien d’r neet allein um ôg aan te melde. Ouk as geej alles wilt weite euver reglemente, meugelikhede en onmeugelikehede, advies, en veur alle andere vraoge euver d’n optoch, dan ziet geej van herte welkôm op dees Praotaovende van Jocus’ Technische Commissie.
De Praotaovende zien van 20:30 wies 21:30 oor op de volgende daag:
- 19 december 2017
- 2 jannewari 2018
- 9 jannewari 2018
- 16 jannerwari 2018
Alle praotaovende waere gehalde in kefee “De Brasserie” aan de Klaosstraot 64.
Miër informasie euver ‘t meiloupe in d’n optoch, vindt geej in ‘t Optoch Regelement op ôs thoésblaad:
http://www.jocusvenlo.nl/default.asp?Meilaupe-in-dn-optoch
Sloét ôg aan en doon mei. Weej zeen ôg gaer op ein van de Praotaovende!