Verzamelaers opgelet!

Op zaoterdaag 28 november, 19 december, 16 jannewarie en 6 fibbwarie steeds van 11 wies 15 oor, steit d’r op de Mert naeve ‘t stadhoés in Venlo ‘n kraom van kommissariaat R&T van Jocus.  Heej zien allerlei attribute te kaup wie alde Träöte, CD’s, kassettebendjes, LP’s, E.P.’s., jubileumbeuk, medaljes, kerse en nog vuul miër. ‘n Moëi kollektorsitem is ‘n exclusief duuëske mit alle viéf de Opstaekers van de aafgelaupe vief jaor. Netuurlik wuurt auk de nieje Jocus CD en d’n Opstaeker 2010 aangebaoje.

Nao ‘t 15 x 11 jäörig jubileumjaor van Jocus is door de archiefkemmissie hard gewerk um ‘t archief van Jocus op orde te bringe. Nao inventarisasie bleek det d’r vuul grei en materiale döbbel en in vuulvoude in ‘t archief of elders ware opgeslage. Minse die op zeuk zien nao ‘n lang gezoch Jocusattribuut kinne wellich heej slage.