Venlo mak zich op veur ‘Elf van Elf’

Op d’n Elfde van d’n Elfde wuurt, zoëwie det ein gooje Venlose traditie is, ’s morges ’t nieje vastelaovessezoen ingeluujd mit ’t ‘inscheete’ op Elf van Elf. Vanaaf de Mert veur ’t Stadhoés bars ein daagdeurend Venloos meziékfees los, mit neteurlik de 4 winnende leedjes van ‘Opus Jocus’, nummers 1 t/m 4 van de Herfshane , DJ Falco en DJ Serpetinus. Vaerder traeje auk op Bram & Ruud, Golden Hiëring, Julia Beurskens, Joekskepel Heiten Haspel en Linke Mik! En neteurlik zien auk Jocus Hofkepel, Sjiek én de Herfshaneband van de partiej.

Traditiegetrouw is d’r auk alle aandach veur ’t nieje Boerebroélofsgezelschap. De Kwante Kaketoe, organiseeerde ’t aafgelaupe jaor vol euvergave de Boerebroélof. Op Elf van Elf drage zeej ’t stökske euver aan ’t nieje Boerebroélofsgezelschap van Stchting Herfshane.

’t Offisjeele programma boéte op de Mert deurt wiés 19.30 oor.

Ingangk – achterkant Stadhoés en Steinstraot
D’n entree tot ’t plein is aan d’n achterkant van ’t stadhoés, via de Paeperstraot en via de Steinstraot. Dit zörg veur ein baetere doorstruiming van de bezeukers. Taeves zien binne ’t terrein miër toilette veurzeen. Neteurlik zien de toilette van de umliggende horeca auk bereikbaar. Auk dit jaor wuurt gebroék gemak van statiegeld baekers. Wie det perciés wuurt vormgaeve um ’t veur alle bezeukers zoë optimaal meugelik te make wuurt nog gecommuniceerd.

Jocus CD 2024-2025
De nieje Jocusleedjes zien vanaaf 11 november auk weer thoés te beluustere via de spiksplinternieje Jocus CD die op de vertrouwde verkauppunte verkriégbaar is en die neteurlik via de online streamingsdeenste beluusterd kinne waere.

D’n Opstaeker – door Albert Kiefer
Ook is vanaf 11 November “D’n Opstaeker” verkrijgbaar, welke dit jaar ontworpen is door Albert Kiefer. De opbrengsten van de verkoop van “D’n Opstaeker” is ten gunsten van de Vastelaovesvereiniginge binnen de gemeente Venlo.