Vastelaoveswandeling: 18 jannewarie

VVV Venlo en Bookhandel Koops organisere op zôndaag 18 jannewarie ein vastelaoveswandeling door ‘t centrum van Venlo.

Idderein dae de vastelaovend ein werm hert toedruuëg kin deilneme aan deze spesjale thema-wandeling. Vanaaf (wie kin ‘t auk anders) 11 euver 11 vertrekke groepe onder leiding van enne stadsgids op ôntdekkingstoch. Onderwaeg zal d’r vuuel verteld waere euver de Venlose vastelaovend in kombinasie mit de historie van de stad.

Tiédes ein aantal korte pauzes zulle spesjale gaste ‘n beejdrage levere aan dit initiatief. Onder andere Sef Derkx, Tom Doesborg, Sander Mattheijssen, Jocus archief, ‘t team stadsgidse en Joekskepel d’n Heiten Haspel verliëne eur meiwerking aan dees wandeling, die ongevier 2 oor deurt. Nao de rôndleiding ziet geej in de gelaegenheid um de vastelaovesmert op de Alde Mert of ‘t Krense in Jocus’ Hoonderstal te bezeuke.

Kaertjes veur dees vastelaoveswandeling koste € 11,11 en zien te koup beej de balie van de VVV, beej Bookhandel Koops op de Klaosstraot 17.