Vastelaovesmeziék op de radio

Leefhebbers van vastelaovesmeziek kinne de kômmende tied eur hert ophaole, want de regionale radio steit in ‘t teike van vastelaovesmeziek. Vanaaf dinsdaag 2 fibberwarie 9.00 oor wies vriedaag 12 fibebruari 17.00 oor telt L1 radio aaf van 1111 nao 1 in De Vastelaovend Top 1111. Gedurende die 11 daag huurt geej 91 oor lang de leukste Limburgse vastelaovesleedjes van tussen Eijsden en de Mookerhei, geselecteerd door de vastelaovend-redaksie.

Op ôs eige Umroop Venlo FM wuurt op vriedaag 12 fibberwarie tösse 9.00 en 19.00 oor geluusterd nao de Vastelaves Top 100 live vanaaf de Parade. Zeej dreije veur ôch de 100 leukste en moëiste vastelaovesleedjes oét Groët-Venlo. Geej kint ôch stum veur de Top 100 oétbringe op de spesjale website van d’n Umroop.