Vastelaovesfilm in Limburgs Museum

In de waeke veur vastelaovend guf ‘t Limburgs Museum idder jaor inkele veurstellinge van alde Vastelaovendfilms oét Venlo, Bliërick en Tegele. Sinds de jaor viéftig van de vurrige iëuw bringk de tillevisie ‘t niejs in de hoéskamer. Det varieert van ‘t groëte waereldniejs wies ‘t kleine niejs van um d’n hook in de eige straot. In ‘t tillevisieloze tiédperk woort me geinformeerd door ‘t waekelikse bioscoopjournaal van Polygoon. Idderein dae toen nao de bioscoop ging, herkint onmiddelijk de karakteristieke kommentaarstum va Philip Bloemendaal. Polygoon haet in verschillende jaore verslaag gedaon van de vastelaovend in Noord-Limburg. ‘t Limburgs Museum bringk ze same mit andere films beejein in ‘n aantrekkelijk programma det te zeen is op 16, 17, 23, 30 en 31 jannewarie um 12:30 oor en op 24 jannewarie um 11:30 oor.