(Vastelaoves)leedjes liëre schriéve

Wim Roeffen geit ein cursus verzörge op de Volksuniversiteit Venlo e.o. dae zich rich op ‘t liëre schriéve van vastelaovesleedjes. Bisse kreatief? Hebse ideeje euver ‘t make van leedjes? Vindse humor in dien teks belangriek? Zoelse waal ens zelf ‘n eige leedjes wille make? In principe zoel idderein det môtte kinne.

In de cursus van Wim Roeffen wuurse in de gelaegenheid gesteld um dien talent op dit gebied te ontwikkele. De wuurs begeleid en geprikkeld door ‘n ervare en deskundig docent. Op basis van dien eige kreativiteit en inbring wuurt toegewerk nao ‘t gewinste indresultaat, ‘n (vastelaoves)leedje. De begins mit niks en eindigs mit ein (of miërdere) zelf geschreve tekste op ‘n zelfgeschreve melodie. Dit zoelse netuurlik auk same mit ‘n kollega-cursist kinne doon. Alles is meugelik. De zals waal inkele hoéswerk opdrachte môtte make. Auk is einige muzikale basiskinnis gewins.

Titel: Cursus ‘Leedjes make’
Lesaantal: 10 x 1.5 oor
Lokasie: Laaghuissingel 4, Venlo
Docent: Wim Roeffen
Start: dinsdaag 16 november 2010
Tied: 19.00 oor
Pries: € 179,-
Nummer: 0.108

Aanmelde via www.vuvenlo.nl