De leeje van de vakzjurie stelle zich gaer aan ôg veur:

Rowena Roeffen liërde as klein maedje van 11 jaor basgitaar speule en vanaaf toen haet de meziék um noeits miër losgelaote. Groët leefhebber van de Venlose dialekmeziék en minse kinne um waallich van de bands Appelemoos en Julia.

Yvonne Geurts is 47 jaor en zingk beej de band Waan! Zeej speule veurnamelik Limburgstalige meziék en schriéve auk eige nummers. Vastelaovend zit in zien blood en vind ‘t ein iër um deil oét te meuge make van vakjury.

Herm Pollux behoof eigelik gen introductie. Hae is Ald sirremonimeister Jocus Toekôms en Venloosch Vastelaoves Gezelschap Jocus, Vice Veurzitter van de Waus en echtgenoët van Marij… ald dansmerieke van Jocus Toekôms.

Christel van Rijn speulde dreej kiër in de Venlose Revue, is lid van Jocus’ Joekskemmissie gewaes, 12 jaor zangeres van Jocus Hofkepel en haet jaore de cd’s van Jocus ingezônge. Zông 4 jaor beej De Kammeraödjes, verschillende duits-talige en top 100 bands, maar is veural bekind van dreejvoudig LVK-winnaer W-Dreej. Sinds kort is Christel same mit Quinn Warmerdam ein duo gestart.

Wim Daemen is in ‘t dagelikse laeve ondernemer en gruëtse vader van twië kinder. Zien meziekale roots ligge in Venlo. Iërs veural in de HaFaBra waereld en daonao in de lichte meziék. Op dit moment speult hae in Big Band 81 en in de Vastelaovestiéd geit hae gaer op joets mit de op ein nao leukste joekskepel: Hölster Heinke.

Anne-marie Verberkt speult al vanaaf de basisschoeël teniël en begôs eur artiestelaeve as zangeres van vastelaovesleedjes in 1987. Speulde (hauf)rolle in de letste 5 edisies van de Venlose Revue. In 2012/2013 speulde zeej mit 6 vrouwluuj ‘t straottheaterstök “Aafscheid van idderein”. En sinds 2013 deil van de speulersgroep van ‘t Volkstheater Frans Boermans.

Mirjam Alders werk veur ‘t Jeugsportfonds en Jeugcultuurfonds Venlo. Veur d’n twiëde kiër lid van de vakzjurie nao eine gas jaor zelf op Jocus buun te hebbe gezônge. Teniëlspeulster in onder andere de Venlose Revue, Café Chantant, Volkstheater Frans Boermans en De Franse Slaag

Marinho Peters is aafgestudeerd op de Theaterschoël as acteur en regisseur, docent theater en meziék.
Vaerder werkzaam as singer/songwriter en frontman van Linke mik en pop/rock band Lone Road Station Aangesloate beej De Herfshane as begeleider um deilnemers te helpe mit ‘t schriéve en knaeje van eur leedjes

Marian vd Ham zingk al vanaaf 1975 op de vastelaovesbuun. Haet diverse dök meigedaon mit de leedjesaovende van Boéte de Paort en Jocus. Same mit Hay jaore gezônge op seniorezittinge, Roeije Kruuts bal, beej Maria Auxiliatrix en de meizingmiddaag van Flabbedeius same mit Gé v. Baek. Eigelik te vuuël um op te neume.

Ron Dings is noow ruum 5 jaor zenger van Van Gelder en vertolker van vuël dialek en vastelaovesmeziék. In ‘t dagelijks laeve werkzaam in de horeca.

Max Peuten kreeg Vastelaovend mit de paplaepel ingegaeve. In 2016 waas hae nog Prins Carnaval van Jocus Toekóms. Zien passies zien zinge en teniel speule, onder andere beej ‘t Volkstheater Frans Boermans en de Venlose Revue. En dit jaor ‘t jongst lid van de Opus Jocus Vakzjurie.

De vakzjurie steit onder leiding van eure veurzitter d’n hiër Wim Schreurs.