Rolle Boérebroélof zien bekind
Dinsdaag 21 juni 2011
Op 20 juni 2011, de letste daag van ‘t veurjaor, haet de femilie Pollux bekind gemak d’r oet te zien. Zeej hebbe alle rolle van ‘t groët en klein gezelschap van de Boérebroélof 2012 verdeild. ‘t Wuurt un èch Venloos boére fees en de gruuëtse femilie Pollux steit dao garant veur. Sjors Pollux vruuëg op vastelaovesdinsdaag as broédegôm de hand van Francien Pollux, det dae daag as broéd in de ônèch verbônde geit waere op ôs eige stadhoes.
Marij Pollux zal dan as börgemeister ‘t huwelik ten euverstaon van doezende Venlonaere sloéte.
‘t Gezelschap wuurt veurgegaon door sirremoniemeister Sander Pollux.