PV Festina Lente organiseert Venlose Boerebroélof 2018
Maondaag 3 april 2017
De perseniëlsvereiniging van de gemeinte Venlo, Festina Lente, meug de Boerebroélof van 2018 organisere. Det haet de AZ Kemmissie van Jocus bekind gemak. PV Festina Lente is daomei de opvolger van College Den Hulster. Mit de keus veur PV Festina Lente kees Jocus nao langen tiéd weer veur de Gemeinte Venlo. In 1993 moch de Gemeinteraod al de Boerebroélof organisere beej gelaegeheid van Venlo 650 jaor stad.
PV Festina Lente haet de iër gegund gekrege um de Venlose Boerebroélof te viere in ’t jaor det de stad Venlo viert det zeej 675 jaor geleeje eur stadsrechte haet gekrege.