Prônkzitting Jocus; in ’t teiken van artieste oét de eige regio

De kômmende Prônkzitting van ‘t Venloos Vastelaovesgezelschap Jocus, op 16 november 2013 in de Maaspoort in Venlo, zal in ‘t teiken staon van artieste oét ôzze eige regio. Frank Schrijen, Wiel Hermans en ‘de bôks’ Ruud Stickelbroeck make flauweköl vanoét Jocus Buut.

Mit ein  aafwisselend programma vol dans, zang en cabaret wet Jocus weer ein gevariëerd aovendvullend programma te verzörge. Naeve de buuts zal ‘t publiek kinne geneete van vuuël vastelaovescabaret. ‘Eige leweit’  is de nieje naam wao Quinn Vaessen, Paul Klaassens, Richard Hovens en Jeroen van de Ham, veurhaer Pinda Wullem, deil van oét make.

Veur dans en acrobatiek zörg de dansgroep Cheerleaders van 1.FC Köln. De volksdansgroep Hippe Hoppe zal dit op gans eige meneer doon. De muzikale umliésting is in hand van Jocus Hofkepel. Netuurlik ôntbraeke de veer winnende Jocusschlagers neet.

De Jocus Prônkzitting wuurt ‘t letste optraeje van Prins Sef IV mit zien Adjudante. Ze zulle aafscheid neme mit ein saort mini Viva Classica en op waeg gaon nao de prinsenhemel.

Kaarte zien online te koup via www.jocus.nl Ze koste € 20,=