Prônke waek iërder
Vriedag 8 jannewari 2010
As gevolg van oétbreiding van de Boétegewoëne Boetezitting, is ‘t Prônke ein waek vervruug. Op 6 fibberwari is idderein oétgenuëdig um tösse 15.00 en 17.00 oor te prônke in de Klaosstraot. Ein alde tradisie wao jôngk en ald zich zoë moëi meugelik oétdos en langs publiek en zjurie paradeert. Aan ‘t ind van de middaag waere d’r priéze oétgereik aan de moëiste deilnemers.
‘s-Aoves kint idderein direk door nao Pekskesaovend in de Venlonazaal. Auk heej verzamelt zich ‘n bonte stoet op ‘n echte alderwetse verkleijde bal. Kaarte veur de Pekskesaovend zien verkriegbaar op 26 jannewari um 20.00 oor en 30 jannewari um 12.00 oor in Café In d’n Dorstigen Haen.
