Prissentasie boerebroélofs gezelschap 2011
Zondaag 7 november 2010
Op vriedag 26 november is de prissentasie van ‘t nieje Venlose boerebroélofsgezelschap. Det gebeurd tiejes ’n aovendvöllend programma in de Venlonazaal aan de Hoëgewaeg en begint um 19.00 oor. Idderein is welkom! ‘t Gezelschap stelt zich al zingend veur mit d’rveur en daonao verschillende andere optraejes van onder andere De Drekskaters. De organisasie is veur 2011 gegund aan De Zorggroep dae inkele jubilea te viere haet: 100 jaor Auxiliatrix en Greune Kruuts en 50 jaor Mieëwbeemd en De Beerendonck. Entreejkaertjes kôste 5 euro en zien te kaup op de Zorggroeplokasies Beerendonck en Horstgraaf, in kefee De Roeëje Liew en beej Xie Eyewaer.