Prissentasie 63ste Träöt
Gisteraovend woort door de Jocus P&P-kemissie de 63ste Träöt geprissenteerd. ‘t Staatsorgaan van Jocus waovan idder jaor ‘t iërste exemplaar twië nao d’n Hofbal wuurt aangebaoje aan de kersverse hoëgheid. ‘t Kunswerk op d’n umslaag, sinds inkele jaor ein tradisie, is dit jaor van de hand van kunstenaer Rob Franssen.
De 63ste Träöt is d’r metein ein mit ‘n extra biezonder tintje… hae bevat de allerletste teikening van Piet Camps. Sinds 1948 is Piet Camps (82) teikenaer veur Jocus. Piet goof de Träöt in de laup van vuule jaore ‘t ziër herkinbare karakter en de nuuëdig portie humor mit zien illustrasies. Noow Piet waat alder wuurt, en ‘t teikene nimmer zoë gemekkelik geit, druuëg hae ‘t potloëd euver aan Leon Peeters.
De 63ste Träöt is noow verkriegbaar veur maar 3 euro beej alle bekinde verkauppunte!