Prissentasie 1e Venlose vastelaovesposter

Tiedes de prissentasie van de 64e Träöt, ‘t offisjeele staatsorgaan van Jocus, zal Jocuscoryfee Piet Camps ‘t iërste exemplaar van de iërste Venlose vastelaovesposter ontvange, oét hande van zien opvolger Leon Peeters. Peters haet dit jaor ‘n posterserie veur alle Jocusevenemente geteikend dae truukgriep nao de alde Jocusstiél dae door Piet Camps is ontwikkelt. Dees stiél is net as de Venlose meziek onlosmakelijk verbonde mit de Venlose vastelaovend en ziër herkinbaar. De iërste Venlose Vastelaovesposter mit as titel “Vastelaovend in Venlo” haet auk dees echte (retro) vastelaovensstiél.

Medalie

Tiedes de Träötpresentatie wuurt auk ‘n liërling van de Talentencampus (veurhaer d’n Opstap) in ‘t zunke gezat. Hae won de ontwerpwedstried veur de medalie van de Jocus’ Kinderoptoch. Zien ontwerp zal op de medalie prieke dae vastelaoveszondaag wuurt oétgedeild aan alle kinder die deilneme aan de Kinderoptoch.

Umslaag

De Träöt haet elf jaor lang d’n umslaag laote ontwerpe door ‘n Venlose kunstenaer. Dit jaor zörg Eric Toebosch veur ‘n kreatief ontwerp. Volgend jaor lanceert de redaksie ‘n niej ideej um de veurkant van de Träöt op te siere.

De start van de verkaup van de Träöt is op dinsdaag 7 fibberwari beej: Bookhandel Koops, Foto Kino Linders, Geer vd Veer, Geerlings BV, Kortooms de Read Shop, Slegterie Schreinemachers, Wilbro, Plusmert Benders, Slegterie De Karbinder, AH Maagdenbergplein, Backes-Boels Decorators, Bekkerie Jos & José Janssen, Super de Boer, Geerlings Blerick, AH Van Nijvenheimstraot en de Wilbro in VieCuri.