Prinsepoule!

Zô’n 11 + 3 jaor geleeje woord op ‘t Jocus Thoésblaad de alleriërste "Prinsepoule" geïntroduceerd. Jocus waas toen al geruume tied aktief op internet (inmiddels zô’n 18 jaor). In de begindaag, as gevolg van de toenmalige technische meugelikhede, waas de inhald beperk tot informasie euver ôs vereiniging, de evenemente en fotoverslage daovan. Mit de ontwikkelinge vanaaf ‘t jaor 2000 kwame d’r ouk alsmaar miër interaktieve meugelikhede tot ôs beschikking, waat oétintelik geleid haet tot ônder andere de Prinsepoule. Ein daverend sukses, meuge we waal stelle. Doézende minse hebbe in de aafgeloupe jaore eur ideeje euver de nieje hoëgheid gedeild op ôs thoésblaad. Sômmige ware kwats, andere serieuzer. ‘t Kônsep van prinsepoule is oétintelik zelf miërdere kiëre door andere websites gekopieerd; waat weej zeen as ein kômpliment. Veur vuul minse guf ‘t laeze van de Prinsepoule ein gooje indikasie veur "wae d’r dit jaor prins wuurt".

Maar mit de kôms van sociale media, mit name Twitter en Facebook, zeen weej det de aandach veur dit saort elemente in ôs thoésblaad aafneemp. Of baeter gezag: verschuuf. Vandao det weej dit jaor beslaote hebbe um ‘t jäörlikse prinseraoje te verplaatse nao ôzze Facebook-pagina https://www.facebook.com/jocusvenlo. Weej nuuëdige ôg van herte oét um heej ôg ideeje achter te laote en/of te reagere op de suggesties van andere minse.

Weej winse ôg vuuël sukses en zeen ôg gaer beej ‘t oétroope van ‘t nieje Dreejspan op Jocus’ Hofbal op zaoterdaag 31 jannewarie 2015 in d’n Hoonderstal.