Prinse-poule weer geäöpend!

Vanaaf 11 november kin idderein weer ‘n goei doon nao ‘t antwoord op de vraog wae ‘t Jocus-trio van ‘t nieje seizoen zal waere. ‘t Zoëgeneumde Prinse-Poule is weer gestart. ‘t Dreejspan det tiédes d’n Hofbal op 7 fibberwarie 2009 bekindgemak wuurt, helt de Venlose gemoedere al maonde van teveure bezig.  Heej op ’t thoésblaad kint ge ‘t Dreejspan van ôch keuze kinbaar make. In de wandelgange wuurt d’r vuul euver gespraoke en waere d’r zelfs weddeschappe aafgeslaote op dit bes bewaarde geheim van Venlo. Sommige hebbe ‘n vermoede, anderen dinke ‘t zelfs zeker te weite. “Prins Carnaval is ‘t gezich van det seizoen. Hae is de dirigent van de joeks en jen veur jôngk en ald. De Prins is ‘t brandpunt van de Venlose vastelaovend”, alzoë Vors Joeccius XI. Wies 7 fibberwarie is hae ein van de weinige dae ‘t zeker wet, veur alle euverige Venlonaere blief ’t oétintelik ‘n verrassing.