Premiére mini-docu: Piet Camps, De stille kunstenaer

‘t Aafgeloupe jaor ôntveel ôs d’n hiër Piet Camps, kunstenaer en vastelaovesvierder. Eine groëte-kleine persoën dae veur Jocus van ônschatbare waerd is.

As iërbetoën aan Piet Camps makde Patty Penders en René Ensink van Jocus TV de mini documentaire
Piet Camps, De stille kunstenaer.

In zevetiën menute vertelle Vors Joeccius XI Harry Pouwels, Joep Schouren, Roel Versleijen, Leon peeters, Henk de Boer en Hans Derikx euver Piet zien laeveswerk.

De mini documentaire is heej te bekiéke:
https://www.youtube.com/watch?v=7zJpMNhaBVM

As hôfteikenaer waas Piet Camps miër as 60 jaor letterlik en figuurlik beeldbepaolend. Ein ontelbaar aantal teikeninge goove – en gaeve nog altiéd – de uutinge van Jocus en De Träöt in ‘t biezônder ein uniek gezich. Zienen humor, joeksigheid en kreativiteit zulle de herinneringe aan Piet laeventig halde, en Jocus wies in lingte van jaore bliéve inspirere. Daorum ein waalgemeinde deepe buiging aan dit kleine-groëte lid van Jocus’ Pers en Propaganda kemissie.