Persbericht: PV Benders Benders Boerebroélofsgezelschap 2019

De Perseniëlsvereiniging van Plus Benders en Beej Benders, PV Benders, kriég de iër gegund um de Boerebroélof van 2019 te organisere. Det haet Venloosch Vastelaoves Gezelschap Jocus bekind gemak.

Roel Versleijen, Veurzitter/Vors Joeccius XI van Jocus lich de keus toe: “Plus Benders en Beej Benders zien allebei oer-Venlose bedriéve die zoëwaal Jocus as de Venlose Vastelaovend altiéd ondersteune. En neet allein Jocus is jäörig de kômmende Vastelaovend, auk besteit eur perseniëlsvereiniging 2 x 11 jaor. De meiwerkers kômme oét gans Groët Venlo en zien betrokke beej vuuël vastelaovesvereiniginge en aktiviteite. Waat is d’r dan moeier dan in ‘t Jocus jubeljaor 2019 ‘t Venlose Boerebroélofsgezelschap te meuge zien?”

Supermert Plus Benders Venlo en Versmert Beej Benders zien allebei bedriéve van de Venlose ondernemer Geert Benders. Middels diverse langjäörige aktiviteite ôndersteune zeej de Venlose cultuur, wao-ônder en vuuël Venlose Vastelaovesvereiniginge en aktiviteite. Daonaeve organiseert Plus Benders same mit De Törvers de Benders Boétegewoëne Boétezitting.