Pekskesaovend prissenteert Môtteballebal

"Pekskesaovend prissenteert Môtteballebal" is ‘t nieje môtto van Jocus Pekskesaovend. En daomei is de "alde" Môtteballebal weer truuk in Venlo. Al jaore langk is juus dit bal bekind um de ludieke invalle van de gaste. ‘t Liek waal de groëten optoch… maar dan binne. Deilnemers mit schitterende pakke maar auk ‘s-middags in mekaar geflanste ideeje zörge altied veur vuul bekiéks.

De bezeukers die thoés in "d’n alde kleierkas" duike kinne dit jaor gebroék make van de twië zale en ‘t kefee van de Venlonazaal. In de groëte zaal speult de Jocus Hofkepèl en joekskepèl Neet Um Aan Te Huuere. Auk speule de joekskapelle Dreej Daag Um, D’n Heiten Haspel en De Kösmuulkes in de kleine zaal.

D’r is ‘n team van schmickers det klaor steit um ‘n idder nao wins te schmincken. En veur wae te weinig tied haet of thoés gen "alde kleierkas" haet de organisatie ‘n ganse laajing kleier klaor hange in ‘nnen alde kas. Mit ‘n lekker pilske is ‘t dan auk lekker aete beej d’n aetkraom.

De organisatie leet wie idder jaor in de hand van de AZ-kemissie van Jocus. De kaartverkaup is op dinsdaag 15-2-2010 van 20.00 – 21.00 uur en op zaoterdaag 19-2-2010 van 12.00 – 13.00 uur. Beide daag in kefee In d’n Dorstigen Haen aan de Mert.