Pascal Vaes nieje sirremoniemeister Jocus
Dinsdaag 15 september 2009
Ein niej gezich in de Raod van Elf in de persoën van Gert Zondag en ein nieje sirremoniemeister in de persoën van Pascal Vaes. Op de Algemeine Leejevergadering van Jocus aafgelaupe maondaagaovend zien ein aantal wieziginge aangenaome qua bestuur. Jules Aerts zal veurtaan optraeje as veurzitter van ‘t Kommissariaat Riej & Traksie. De rol van 2e Sikkertaris zal waere ingevöld door Jocuslid Gert Zondag. Veur de funksie van Sirremoniemeister is Pascal Vaes (veurhaer Raod van XI) bereid gevonde. Zeej woorte per acclemasie aangenaome door de vergadering. Eur iërste publieke optraeje in de nieje bezetting is op de Opus Jocus Leedjesaovend, op 3 oktoëber aanstaonde.