Opus Jocus Leedjesaovend live op Omroep Venlo

Opus Jocus Leedjesaovend wuurt auk dit jaor live oétgezonde op Omroep Venlo Televisie. 11 finaliste strieje um “de Funs” en ein van de veer plekke op de nieje Jocus CD.

Tiédes de Leedjesaovend kinne zoëwaal de kiékers as auk de minse in de zaal stumme via sms. De leedjes waere auk beoordeild door ein vakjury en de Vorstejury mit dao-in de Vorste van de Wiekvereiniginge.

Opus Jocus Leedjesaovend haet plaats op zaoterdaag 1 oktober in Theater De Maaspoort. Bezeukers kinne geneete van ein aovendvullend program mit naeve de 11 finaliste auk optraejes van Minsekinder, Trio de Janeiro en Jocus Hofkepel. De prissentatie van d’n aovend is in hand van Lex Uiting en Jeroen van den Ham.

Kaarte á € 17,50 zien noow al te kaup via https://jocusvenlo.nl/webshop/toegangskaarte. Op dinsdaag 27 september is d’r van 19.00 oor wies 20.00 oor auk gelaegenheid um kaarte te kaupe in Theater de Maaspoort.

De oétzending op Omroep Venlo Televisie begint um klokslaag 20.25 oor.