Opus Jocus Leedjesaovend 2013
Zondaag 29 september 2013
Opus Jocus Leedjesaovend 2013 waas opnie eine spannende striéd veur alle deilnemende artieste veur ein plaats beej de beste veer.
Tiedes de veurselectie woord al flot duudelik det de inzendinge qua nivo doën beejein looge.
Nao eine prachtige Leedjesaovend 2013 in Theater de Maaspoort, dae ouk dit jaor weer live op Umroop Venlo te volge waas, leverde dit de volgende oétslaag op:
- Manne Meine
Gezônge door Mirjam van Elderen, Jozanne van der Velden, Simone Driessen en Bernie Billekens.
Teks en meziék: Wim Roeffen. Mit dit nummer behaolde Wim veur de 7e kiër ein iërste plaats!!
- Det hebbe weej weer
Gezônge door Fred Honig en Bart Houtermans
Teks en meziék: Paul Nagelmaeker
- Veurbeej
Gezônge door Ruud Stikkelbroeck, Robert Bouten, Fred Honig, Bart Houtermans
Teks en meziék: Frans Pollux
- Vastelaovesgelök
Gezônge door Petro Janssen, Mark Janssen, Vic Suiker en Marius Suiker
Teks: Sef Peeters
Meziék: Hay Geritz
Traditioneel kômme de veer winnende leedjes op de nieje Jocus CD. Dees wuurt op Elf van Elf geprissenteerd veur ‘t Stadhoés.
De winnende veer leedjes waere oéteraard door gans de stad LIVE gezônge door ôs artieste. Veur ‘t iërs op Elf van Elf en tiejes Jocus’ Groëte Prônkzitting op zaoterdaag 16 november aanstaonde.
Inkele opmerkelikke zake:
- De hashtag #leedjes2013 dae op Twitter woord gebroek waas inkele oore trending topic in gans Nederland
- ‘t Is veur ‘t iërs in Jocus historie det d’r 4 vrouwelikke winnaers zien
- ‘t Aantal zengers/zangeresse beej de iërste 4 is ‘t groëtste aantal oeits (12)
- ‘t Is veur ‘t iërs sinds 1998 dat d’r eine vrouwelikke winnaer is.
Alle deilnemers van herte perfitsia en groeëten dank aan ALLE artieste, Hofkepel, sponsore, meiwerkers en ós partners Theater de Maaspoort, Omroep Venlo en Lagotronics.
Bezeuk ôs thoésblaad veur de foto’s via: www.jocus.nl