Oétslaag oproop Jocus Archief: foto Raod van Elf
Dinsdaag 18 november 2014
In Kikerikiki nummer 7 van fibberwari deej ‘t Jocus Archief einen oproop euver dees foto.
‘t Liéke haos waal eine gas zwarte piete. Aevel niks is minder waor. ‘t Waas ein ludieke geste van Vors Joeccius XI en ziene Raod van Elf. De iëuwige roem is veur Ton van Dreumel dae zich de foto herinnerde.
De print is gemak beej Vors Joeccius XI Sef Hendrickx thoés op de Helbaek. Jocus’ Raod van Elf zoel dae’n aovend acte de présence gaeve op de Jeugvastelaovesbal van de Meulewiekers. We zeen op de print onder andere Vors Joeccius XI (derde van links) en Karel van Dreumel (twiëde van rechs). Gans onder in roëje rokjas zeen we Chef du Protocol Wim Vosbeek.
‘t Jocus Archief is altiéd niejsgierig nao miër reaksies. Det kin via email: archief@jocus.nl