Oétleg zjurering Leedjesaovend 2015

Elf leedjes strieje um de iër um “de Funs” en ein plaats beej de veer winnende leedjes. Auk dit jaor verlöp de zjurering in twië rôndes. De zjurering steit ônder leiding van veurzitter Lambert Kuijpers, onder toezeend oug van Rivierdael Notarissen.

Iërste ronde
In de iërste rônde bringe alle 11 finaliste eur leedje ten gehuure. Nao aafloup van rônde 1 zal de veurzitter van de vakzjurie in willekeurige volgorde de 7 leedjes bekind make die doorgaon nao rônde 2.

Twiëde rônde
Naodet alle 7 leedjes in de twiëde rônde zien gebrach kinne de Vakzjurie, Vorstezjurie, ‘t publiek in de zaal en de sms stummers eur favoriete leedje keeze. Let op: d’r kint pas in de twiëde per sms gestump waere. De prissentatore zulle ‘t moment in de oétzending aangaeve.

1. Vakzjurie
In de twiëde rônde kint de vakzjurie veur ‘t beste leedje maximaal 14 punte gaeve.

2. Vorstezjurie
De Vorstezjurie is samegesteld oét de Vorste van de zustervereiniginge oét de verschillende wiéke in Venlo. Zeej bringe de punte oét en gaeve 7 punte veur ‘t beste leedje en 1 punt veur ‘t mins gooje leedje.

3. Zaalzjurie
Middels de stum kaart achter op ’t intreebewiés bringk ‘t publiek in de zaal eur stum oét. De stumme opgeteld leide tot de veurkeur van de zaal. De opgetelde stumme gaeve 7 punte veur ‘t beste leedje en 1 punt veur ‘t mins gooje leedje.

4. SMS stumme
In de 2e rônde verschient beej idder leedje in baeld wie desse via sms dien stum kins oétbringe. Prissentator Ruud Stickelbroeck zal dit tiedes de oétzending oétlegge. Alle sms stumme beejein opgeteld leide tot de volgorde 1 t/m 7 van de sms. De opgetelde stumme gaeve 7 punte veur ‘t beste leedje en 1 punt veur ‘t mins gooje leedje.

D’n oétslaag wuurt bepaold door de punte van de geneumde zjuries beejein op te telle.  De nummers ein tot en mit veer waere opgenaome op de nieje Jocus CD.