Nummer 20 in de Groëten Optoch: collecte Optochhal Groët Venlo

Nummer 20 in de Groëten Optoch aankômmende zondaag 6 maart: Stichting Optochhal Groët Venlo. Zeej zulle kôllektere veur ein beejdrage veur de instandhalding van dees unieke bouwplaats veur de verschillende optochdeilnemers in groët Venlo.

De Optochhal Groët Venlo guf onderdaak aan wagebouwers oét de gemeinte Venlo in de veurmaolige werkplaats van de Landmacht op ’t Kazerneterrein. Idderein binne de gemeinte Groët Venlo kin en meug gebroëk make van de Optochhal.Wilt geej bouwe, neem dan kontak op met de vertaegewaordiger van óg stadsdeil.  

De stichting is ‘n initiatief van de Vastelaovesvereiniginge D’n Oeles, De Belhamels, De Wortelepin en Jocus.

Dus kômp geej kiéke en wilt geej de Optochhal stimulere um wagebouwers onderdaak en ein bouwplaats te baeje? Ôg steun wuurt ziër, ziër op priés gesteld!

Geej kint veur €11,00 per jaor auk Vrind van de Optochhal waere. Miër op de website van Stichting Optochhal Groët Venlo: http://www.optochhal.nl/