‘t Bestuur van Venloosch Vastelaoves Gezelschap Jocus haet bekindgemak det de Leedjesaovend mit ingang van dit jaor niet meer live zal waere oétgezonde beej Umroop Venlo. Belangriéke raeje heejveur is det Jocus dees produksie mit ingang van dit jaor ein ander podium wilt gaeve, mit name langs streamingsdeenste en sociale media. Daomei waere nieje kiékers en luusteraers bereik en wuurt de miërwaerd van ’t in de zaal aanwezig zien beej dees theaterproduksie vaerder onderstreep. 

“Jocus kuues naeve de tradisie van ‘t Venlose Vastelaovesleed auk veur de verniejing van d’n aanpak, vorm en prissentatie”, aldus Roel Bisschops, veurzitter van de Joekskemissie. Dees planne waere op dit moment oétgewerk en in aanlaup nao Opus Jocus Leedjesaovend in mier detail bekind gemak.

Mit andere waörd: ‘Opus Jocus Leedjesaovend 2023’ vindt plaats op 7 oktoëber aanstaonde in theater De Maaspoort, wuurt live geregistreerd, maar zal mit ingangk van dit jaor langs andere kanale waere ôntslaote nao ein zoë breid meugelik publiek. 

Tiédes de jäörlikse Leedjesaovend van Jocus strieje de inzendinge veur de ‘Ad Pollux trofee’ en ‘De Funs’. Dae aovend waere door ‘t publiek de veer nieje Jocus vastelaovesleedjes gekaoze veur de aankômmende Venlose Vastelaovend.  

De aafgelaupe 2 decennia woord deze theateraovend live oétgezônde beej Umroop Venlo, ein samewerking wao Jocus mit vuul waardering op truuk kiek. 

Wilt geej d’r live beej zien? kaup dan alves ôg kaarte in ôzze webshop!