Nieje leedjes insteure
Woensdaag 13 mei 2015
Net wie idder jaor is idderein weer van herte oétgenuuëdig um nieje vastelaovesleedjes in te steure. Teksdichters, komponiste, zengers en zangeresse meuge zich laote inspirere door ‘t motto "Kump good". Deilneme aan de veurseleksie is meugelik veur idderein, maar d’r zien netuurlik waal inkele regels aan verbônde.
‘t Insteure van nieje vastelaovesleedjes geit wies 1 augustus 2015. De veurseleksie (dit jaor in de Venlonazaal!) is op 29 augustus 2015. De finale, tiedes de Opus Jocus Leedjesaovend, is dit jaor op 3 oktoëber 2015.