Nieje Jocus CD

Op d’n 11e van d’n 11e wuurt ‘t nieje vastelaoves seizoen geäöpend. Taeves start de verkaup van de nieje Jocus CD. Op deze jubileum oétgaaf staon netuurlijk de 4 winnaers van de op 29 september gehalde Opus Jocus Leedjesaovend. Wie gebroékelijk staon d’r nog vuul mier leedjes op. Biezonder zien de twië slingers. Dees slingers bestaon oét 6 nummers waobeej de iërste slinger meziék en de twiëde Venlo en Jocus as onderwerp haet. Daobeej is oétgegaon van de originele komposities. De twië slingers waere auk live gespeuld op de Jocus Jubel Nachte, want veur dees gelaegeheid zien ze spesjaal geschreve.

Maar auk de winnaer van ‘t Jeugvastelaoves Leedjeskonkoers, De Koperwiek mit ‘t leedje: “Deze tiener wuurd elf”, krieg ‘n plaetske op de CD. Nog ‘n leuke biezonderheid is det Venlo Stedje -‘t Venlose “volksleed”- veur d’n iërste kiër wuurt gezônge door ’n zangeres: Linda Zijlmans. De Jocus CD mit de leedjes veur ‘t nieje vastelaovesseizoen pas daomei prachtig beej de al iërder oétgebrachde “Jocus in ein duuëske” DVD/CD, wao-op vuul alde, originele opnames te huure (en te zeen) zien.

De CD is vanaaf d’n 11e van d’n 11e te kaup beej : Plus Benders, Sounds, Backes Decorateurs, Geerlings, Leo Martens Sanitair en ‘t Ald Weishoes te Venlo. In Tegele beej Timmermans, in Bliërick beej Wolters van Dijk en in Kessel beej Jumbo-Phicoop