Niej kônvenant “Elf van Elf” Jocus en Stichting Horeca Aldstad Venlo (SHAV)

Op 6 november jongsleeje hebbe Venloosch Vastelaoves Gezelschap Jocus en de Stichting Horeca Aldstad Venlo (SHAV) ein niej konvenant ônderteikend veur de organisatie van “Elf van Elf” op de Mert veur ‘t Venlose stadhoés. De ônderteikening is verrich door Vors Joeccius XI Harry Pouwels en Erik Scheurs veurzitter van de SHAV.

Mit de ôndertekeining van dit belangriéke kônvenant wuurt ein vaerdere samewerking tôsse beide partijen euver de organisasie van “Elf van Elf” mit een periode van dreej jaor tot en mit Elf van Elf 2017 gegarandeerd.

Beej de organisatie is ein degelikke samewerking vereis, waobeej de expertise van beide partieje heejveur garant steit. Jocus en de SHAV werke al sinds de iërste editie in 2006 nao volle tevreejeheid same.

Elf van Elf is de traditionele äöpening van ‘t Venlose Vastelaovessezoen. Mit 11 kenônscheut wuurt um klokkeslaag 11.11 oor ‘t nieje sezoen ingeluujd. Börger Antoin Scholten, Vors Joeccius XI, Stadsprins Jacques-Paul I en Prinse van de Venlose wiék-Vastelaovesvereiniging hebbe de iër um ‘t kenôn aaf te scheete. Aansloétend haet op de Mert ein daagvöllend en aafwisselend meziékprogram plaats as start van ‘t nieje Vastelaovesjaor.