Niej jeske veur thoésblaad!

Mit ‘t auch op ‘t 15×11 jubileum, en um mit de tied mei te blieve gaon, is ‘t thoésblaad van Jocus van ‘n niej jeske veurzeen. De kleurstelling is iets oetgebreider, maar waal nog hiel herkinbaar as ‘t Jocus Thoésblaad. De stiél hielemaol van deze tied. ‘t Alde oétklap-menu is vervange door ‘n 4-tal lieskes die altied zichbaar zien, waat mekkelikker en euverzichtelikker werk. Op de äöpeningspagina hebbe de (iërskômmende) Jocus-evenemente ‘n miër prominente plaats gekrege; de (langere) artikele juus minder prominent. De menu-indeiling en benaminge van de items zien herzeen. Ein aantal onderdeile (zoe wie kaokrecepte en de alde verhaole) zien kômme te vervalle. Gans baove aan de pagina steit veurtaan ‘n rieke mit ‘service gerelateerde’ onderwerpe, die altied zichbaar zien.

In de naobeeje toekoms zulle auk nog nieje funksies waere toegevoog aan ‘t thoésblaad, um alle publiek zoë good en volledig meugelik van deens te zien.