Niej boerebroelofspaar is bekind

Josje Vestjens en Joep Houben zulle De Boerebroelof 2011 veurgaon as Broedspaar. Beide zien gén onbekinde mit vastelaovend en de Boerebroelof. Josje en Joep hebbe nauwe bande mit ‘t Ven en de vastelaovend aldao. Joep is de schoënbroor van de broedegom van 2010 en speult in ‘t 5e van FCV. Naodet dit niejs vanmorge bekind is gemak hebbe ‘t Broedspaar mit eur gevolg geliek de iërste offisjele handelinge verrich. In d’n haof van D’n Beerendonck is de Boeremoos gepaot. Deze boeremoos op stadse grond kin neet anders dan oetgreuje en garant staon veur ein rieke augs.

De veurbereidinge zien in volle gang beej De Zorggroep. Later dit jaor zal ‘t Broedspaar zich verlove um op zaoterdaag 5 fibberwari 2011 in Ondertrouw te gaon op op dinsdaag 8 maart in ‘t onech elkaar ‘t Jao-woord te gaeve.