NET IETS LANGER, ’t nieje leedje van de Hofbalzengers en Mixx, speciaal geschreve veur de stadsprins van Venlo van 2015, prins Ruud d’n 2e. Zang: Bart Houtermans, Frans Pollux, Jacques-Paul Joosten, Lex Uiting en Marco Schell.

’t Leedje is geschreve door Frans Pollux en woort veur ’t iërs ten gehuure gebrach op d’n Hofbal van 31 jannewari 2015.

Binnekort auk te downloade as MP3.

Net iets langer

Teks: Frans Pollux
Meziék: Frans Pollux

Heej bin ik gebaore
Enne mazzelaer
Aan d’n oëievaar gezwaore
Ik wil nörges anders haer

Tuurlik heb auk ik mei
Op de stad gevlook
Maar ik geluif noow in de wiésheid:
’t Gelök leet um d’n hook

Zieje, strande, berreg,
Gank kiéke man, ’t reize mak dich vreej
Maar as de Prins d’r weer steit,
d’n optoch weer geit,
dan bin ik leever heej

Zukse in de waereld nao de moëiste snoét
Kumpse garandeer ik dich in Venlo oét
Heej haet de nach nog kleur
Al hesse ein maske veur
Weit det ’t toch gebeurt
Umdet neemus oëit verlaege zit um wäörd
En heej de Vastelaovend net iets langer deurt

Heej bin ik gewaore
Wae ik morge bin
‘k Heb ôntdek in al die jaore
Waat ik wil en waat ik kin

‘k Heb verleef gedwaald door
minnig groëte stad
En wie moëi ’t laeve auk waas dao
daen tiéd heb ik gehad

Want asse ech probeers
Dan veult misschien ’t wiédste land wie thoés
Maar as die joekskepèl klink
De ganse stad zingk
Dan wil ik truuk nao hoés!