NaoBliéfBal geit neet door
Woensdaag 20 fibberwari 2019
t NaoBliéfBal veur de Venlose scholiere geit neet door. Ôndanks det d’r vuuël kaertjes zien verkoch is ‘t aantal te weinig um door te laote gaon. Dit besloét is dinsdaag 19 fibberwari genaome door ‘t bestuur van zoëwaal de OGVO as van Venloosch Vastelaoves Gezelschap Jocus. ‘t NaoBliéfBal zoel kômmende vriédaag 22 fibberwari plaatsvinde in Theater de Maaspoort en waas veur alle baovebouwliërlinge van de Onderwiésgemeinschap Venlo e.o.
Alle liërlinge die ein kaertje gekoch hebbe kriége de €7,50 truuk. Wie det precies verlöp wuurt bekindgemak metein nao de vastelaovend.
Veur de aankômmenden tiéd wiéze weej ôg gaer op alle Jocus aktiviteite die de kômmende vastelaovend staon te gebeure.
Kiék heejveur op www.jocus.nl/evenemente