Meidoon aan de Groëten Optoch? Dinsdaag 4 fibberwari letste Praotaovend
Donderdaag 30 jannewari 2014
Laot ôs maar gewaere! Maar ôndertösse… Waat vluug d’n tiéd!
Op dinsdaag 4 fibberwarie zien we al weer toe aan de letste aovend det geej ôg aan kint melde as deilnemer aan ôzze Groëten Optoch op Vastelaovesmaondaag.
Tiédes de veurgaonde aovende hebbe zich al zô’n 1500 gezellige minse, 27 prônkwages, 25 groepe en 350 muzikante aangemeld.
Maar gen zörg, d’r zien nog inkele hiële moeie plaetskes vreej. Wae hild ôg taege? Dus kôm dinsdaag 4 fibberwari nao Kefee de Brasserie in de Klaosstraot. Vanaaf 20.30 oor wies 21.30 oor ziet geej van herte welkôm um ôg beej de TC van Jocus aan te melde veur d’n optoch.
Maak d’r gebroék van, gezellig meidoon, det meug geej neet misse!
Wies dinsdaag!